Unha selección das mellores películas europeas da produción do ano. O palmarés, case ao completo, de Berlín, Venecia, San Sebastián ou Rótterdam.
Máis que nunca, a diversidade. O cinema que irrompe desde cinematografías como Indonesia, Costa do Marfil, Corea do Sur, Marrocos, Irán, China ou Taiwán.
A creatividade abafadora que chega de países como Arxentina, Brasil ou Chile. Cinema moitas veces posuído do carácter de urxencia de situacións políticas convulsas.
A ambición do documental como canle da memoria: desde os ecos da Irlanda de The Pogues e o conflito con Gran Bretaña ao franquismo mal enterrado no Val dos Caídos ou na morte de Unamuno.
O xénero fantástico viviu unha colleita abundante de ideas. Extraordinarias obras procedentes de Asia. Ou o fenómeno viral da tempada, Host, cima do cinema de terror.
A relación co Novo Cinema Galego, cuxos primeiros pasos tiveron foco principal en Cineuropa. E este ano, o marcado protagonismo de dous Premios Cineuropa.
Aquí están, para que gocen, óperas primas certificadas xa como cinema maxistral súbito: Beginning, 16 Printemps ou A Nube.
A denuncia da pena de morte en Irán. O custo de defender a democracia en Colombia. A Palestina de Gaza mon amour. E a tristeza de ter que loitar polo evidente no Val dos Caidos.
A proposta cinematográfica específica para o público máis miúdo é unha das animacións máis agardadas do ano: a da lenda de Calamity Jane.
O tributo ao compositor europeo do século XX que máis influíu na música para o cinema. Un repaso do Morricone menos evidente.
Unha reivindicación do gozar do cinema na gran pantalla -nun momento no cal este se ve ameazado- a través de filmes que xogan co cinema dentro do cinema.
O rescate de perlas cinéfilas que negan a falsa verdade de que todo o cinema está nas plataformas: desde a comedia austríaca Maskerade á película xa de culto Furia española.
A Real Filharmonía de Galicia, baixo a dirección de Timithy Brock, interpreta a BSO de The Kid, de Charles Chaplin.
O cinema galego é protagonista alén da sección oficial ou dos Premios Cineuropa. Achegámonos á súa situación a través do encontro cos seus protagonistas.
© 2020 Cineuropa34 - Made with by QM for The Office