EL OLVIDO QUE SEREMOS

O médico Héctor Abad Gómez foi un carismático activista polos dereitos humanos no Medellín polarizado e violento dos anos 70. El olvido que seremos relata a súa vida, pai de familia preocupado tanto polos seus fillos como polas nenas e nenos de clases menos favorecidas. O seu fogar estaba impregnado de vitalidade e creatividade, froito dunha educación baseada na tolerancia e o amor. Héctor dedicouse ás causas sociais e políticas da época, pero a sociedade intolerante de Medellín acosaríao ata silencialo. Trátase dunha historia íntima vista a través dos ollos do seu único fillo, Héctor Abad Faciolince, un dos escritores máis destacados da literatura moderna en lingua española.