KANDAHAR

Nafás é unha bela muller afgá que, desde Canadá onde agora vive, decide emprender a longa viaxe ata Kandahar, para buscar a unha irmá da que sabe que intentou suicidarse. No traxecto, Nafás tropezará cunha serie de variados personaxes… e nós presenciaremos a condición da muller naquelas afastadas terras marcadas pola guerra.

Película que reflicte a situación de Afganistán baixo o réxime talibán. Curiosa e involuntariamente, foi estreada na mesma época que EEUU atacaba o país tralos atentados do 11 de setembro.