Ano
2021
Unha mensaxe de paz, memoria e rebeldía para as novas xeracións. Toda historia de represión e inxustiza ten o seu relato de resistencia e esperanza.A nosa memoria acorda e renace nos lugares, na xente. No 36, o fascismo franquista quixo apagar a nosa voz e o noso pensamento. A historia escríbea quen vence, pero outras historias continuaron escribíndose tamén. Hoxe, coma quen acorda dun longo sono, voltamos a algúns dos lugares onde habitou o silencio, o medo, a perda e poboámolos de música, cancións e palabras. O Departamento de Memoria Histórica da Deputación de Pontevedra propón unha emocionante viaxe á memoria da man do poeta e narrador Lois Pérez e da cantora Uxía, que reúne algunhas das voces máis representativas de Galicia para ilustrar historias de loita e dignidade.
Testemuñas: Queta Molas, Telmo Comesaña, Sheila Patricia, Eduardo R. Cunha, “Tatán”, Blanca Francés
Idea orixinal: Departamento de Memoria histórica da Deputación de Pontevedra
Dirección técnica e edición: Lucas Terceiro
Guión e narración: Lois Pérez
Asesoramento de contidos: Montse Fajardo
Produción: Marina Carracedo