IT´S A WRAP [KUBRICK IS DEAD]

Acabouse! Este é o final. 6 personaxes da filmografía de Kubrick reciben a noticia da morte deste. Tratarán entón de defender a súa identidade, a súa existencia e de dar forma ao seu drama e ao seu propio destino, á súa auténtica creación: o seu eu mesmo.

Hai un xeito de deixar o noso destino sen que se rompa o corazón, ou acabes caendo na maior nostalxia?

Unha peza cun forte sentido da fisicalidade ao servizo dunha dramaturxia multidisciplinar, que se tece desde a máxima ficción cara a esencias da condición humana; para presentar un exercicio de retro-proxección cara ao noso futuro como personaxes, intérpretes e persoas.