DOLORES

Dolores é a quinta entrega dos meus Estudos Cinematográficos (“estudo” nom como investigaçom experimental senom como análise crítico). Seis décadas despois a Lolita de Stanley Kubrick (1962) madurou e converteu-se em Dolores: já nom podemos vê-la (personage e película) com os mesmos olhos. Os erros digitais (as figuras dum plano entram no plano anterior para metamorfoseá-lo) descobrem relaçons até agora ocultas das personages.

Ao mesmo tempo Dolores conforma umha trilogia com A Fundamental Error e Noite de rodos, com as que comparte a investigaçom sobre a materialidade do cinema digital, ainda que neste caso a manipulaçom do código hexadecimal nom foi realizada por mim senom que me véu dada. Dolores é material encontrado (nom buscado), um arquivo digital corrupto que o meu reprodutor nom foi quem de reproduzir fluidamente. Eu limitei-me a improvisar umha melodia em direto, como músico de jazz, movendo as images cara adiante e cara atrás entanto gravava o resultado na pantalha.