ATLAS

Allegra é unha moza vivaz que se criou na zona de fala italiana na tranquila e pacífica Suíza. Ten tres grandes amigos que comparten a súa paixón polo montañismo. Un día deciden viaxar a Marrocos para chegar á cima do Atlas, pero a súa viaxe remata abruptamente cando un terrorista fai explotar unha bomba nunha cafetería e os seus tres amigos morren no ataque.

Meses despois, incapaz de superar o trauma, decide deixar á súa familia e regresar á cidade para volver traballar. Alí, o encontro con Arad, unha rapaza refuxiada de Oriente Medio, obrígaa a afrontar a súa percepción da realidade, os seus medos e curar as súas fondas feridas internas.