España / 65 min. / Documental / Galego,Castelán

En 1959, Alejandro do Campo, o novo enxeñeiro responsable dos proxectos de Saltos do Sil, durmía pouco. En xaneiro, a rotura dunha presa de Eléctricas Moncabril arrasara a aldea de Ribadelago na provincia de Zamora. Meses despois, o Sil baixaba cun caudal maior do previsto e as presas de Santo Estevo e San Pedro aínda estaban en construción. O enxeñeiro era consciente do perigo que chegaba en forma de riada. A posibilidade doutra traxedia, agora en Ourense, era real. Mentres Diotino, empregado de Saltos do Sil, traballaba día e noite para mitigar os efectos da riada, os seus veciños agricultores seguían as súas rutinas con normalidade. Non eran conscientes da catástrofe que axexaba. Tampouco da transformación que ían soportar as súas vidas e as comarcas nas que se asentaban as obras.


Ficha artística

Juan García Benítez , Francisco Blanco,  Susana Chávarri,  Rogelio Díaz, Francisco Delgado, Abilio Mojón, Xoán Carlos Nóvoa, Diotino Pombar, Ricardo Yagüe.

Ficha técnica

Guión: Domingo Díaz Docampo.
Fotografía: Miguel Ares.
Música: Arturo Kress.
Produción: Domingo Díaz Docampo.


O desafío do Sil

Domingo Díaz

Petín (España), 1967

Produtor e director de proxectos educativos e documentais. Na actualidade está a traballar na que será a súa segunda longa: Tomás Fábregas. No borders, que celebrará a súa estrea o vindeiro 2019. O desafío do Sil é a súa primeira longametraxe.