VEN 9, 22:00 | SAB 24, 18:00

DESLEMBRO [2018]
Flavia Castro

Nota do público:

6,83

Brasil, Francia, Catar / 96 min. / Ficción / Portugués,Francés,Castelán

Mercar entrada

Joana creceu en París rodeada de rock e literatura. Pero en 1979, cando se declara a amnistía en Brasil, Joana regresa ao país que apenas lembra, da noite para a mañá e en contra da súa vontade. En Río, ela recupera lembranzas dunha infancia fragmentada e dun pai desaparecido. Nin todo é real, nin todo é imaxinación. Como lembra, Joana é quen de escribir a súa propia historia en tempo presente.

Ficha artística

Jeanne Boudier, Sara Antunes, Eliane Giardini, Hugo Abranches, Julian Marras, Jesuita Barbosa, Arthur Raynaud.

Ficha técnica

Guión: Flavia Castro.
Fotografía: Heloisa Passos.
Edición: François Gédigier, Flavia Castro.
Produción: Walter Salles, Gisela Camara, Flavia Castro, Yael Fogieln.

Crítica Cineuropa

Como se construíse un relato autobiográfico —e aínda que non o é exactamente—, Castro vai debuxando unha historia que se asemella a moitas pero que é tan singular como ningunha. Joanna é filla dun pai desparecido pola ditadura brasileira, e o desexilio, que se lle impón xusto na metade da súa adolescencia, conéctaa con ese pasado cuxa memoria foi borrada polo tempo, a imaxinación e a información fragmentada. Un relato de iniciación á vez poético e político, entrañable e necesario.

Deslembro

Flavia Castro

Porto Alegre (Brasil), 1965

Filla de exiliados brasileiros en Francia, esta directora, guionista e editora traballou como asistente de dirección con cineastas como Richard Dindo e Philippe Grandrieux, e como guionista con Eduardo Escorel ou Vicente Amorim. O seu celebrado documental Diário de uma busca foi premiado en Río de Xaneiro, A Habana, Biarritz e no DocLisboa. Deslembro é a súa primeira longa de ficción.