NIXON IN CHINA / NIXON EN CHINA

Ópera en tres actos do compositor estadounidense John Adams, con libreto de Alice Goodman inspirada na visita de Nixon a China o ano 1972. A ópera, que é a primeira do compositor, estreouse na Grand Opera da cidade de Houston, Texas o 22 de outubro de 1987 nunha produción a cargo do director de teatro estadounidense Peter Sellars con coreografía de Mark Morris. Desde a pompa das exhibicións públicas ata a intimidade dos momentos máis privados dos protagonistas, Adams, Sellars e Goodman revelan os personaxes reais detrás dos titulares desta histórica ópera estadounidense.