LIBERTAD

Despois de moito tempo sen coincidir na súa casa de verán, a familia Vidal pasa as últimas vacacións coa avoa Ángela, que sofre Alzheimer avanzado. Por primeira vez na súa vida, Nora , aos seus 14 anos, sente que non atopa o seu lugar: os xogos de nenos parécenlle ridículos e as conversas dos adultos aínda lle van grandes. Pero todo cambia coa chegada de Libertad, de quince anos e filla de Rosana, a muller colombiana que coida a Ángela.

Rebelde e magnética, Libertad convértese na porta de entrada a un verán distinto para Nora e as dúas nenas rapidamente forxan unha amizade intensa e desigual. Xuntas saen da burbulla de protección e confort que supón a casa familiar e descobren un mundo novo no que Nora se sente máis libre que nunca.