Actualizaremos esta páxina coas preguntas que nos chegan habitualmente relativas ao funcionamento do festival de cinema Cineuropa de Compostela. Recomendámosche que te subscribas á nosa canle de Telegram para estar informado de todas as novidades ao momento e que nos sigas nas redes sociais Facebook, Twitter e Instagram.

Despacho de billetes e entradas a proxeccións

En entradas.abanca.com ou no 902 434 443 así como no despacho de billetes do Teatro Principal.

En entradas.abanca.com, no 902 434 443 e no despacho de billetes do Teatro Principal. Nos Multicines Compostela os días de proxección e até 5 minutos antes do comezo de cada unha delas.

En entradas.abanca.com, no 902 434 443 e no despacho de billetes do Teatro Principal. En NUMAX os días de proxección e até 5 minutos antes do comezo de cada unha delas.

Hai un despacho de billetes xeral para mercar filmes de calquera día cun horario de 15.30 a 22.00 h. E un despacho de billetes de venta inmediata que abre media hora antes de que comece cada filme e na que só se poden mercar entradas para o filme que comeza a continuación, tanto no Teatro Principal como no Salón Teatro.

De luns a domingo, de 16.40 e até 5 minutos antes do inicio da última proxección.

  • Luns de 19:00 até a hora de inicio da última proxección.
  • De martes a venres de 10:00 a 14:00 e de 16:00 até a hora de inicio da última proxección.
  • Sábados e domingos de 11 a 14:00 e de 16:00 até a hora de inicio da última proxección.

4 euros e podes mercar un abono válido para 10 entradas a 30 euros. A entrada para o maratón é de 6 euros, e a sesión de proxeccións con música en directo da RFG é de 12 euros.

De pago son os filmes de Sección Oficial, Panorama Internacional, Fantastique Compostela, Docs Cineuropa, Latido Americano, Cine e Dereitos Humanos, Cineuropa Miúda, Maratón e a sesión Cineuropa da RFG.

De entrada libre previa retirada de invitación son a sesión de apertura, as de entrega dos Premios Cineuropa, e o pase especial d’A estación violenta, de Anxos Fazáns. A proxección de Sami Blood é tamén de balde previa inscrición en comunicacion@numax.org.

O resto dos filmes son de acceso libre até completar aforo.

Unha vez mercada a entrada non pode procederse á súa devolución a non ser que ese pase se vise modificado por algún problema de organización. Nese caso si, procederíase á súa devolución.

Non. Sempre e cando queden entradas dispoñibles, para a venda inmediata haberá un despacho de billetes aberto até 5 minutos antes do inicio da proxección.

Non é posible reservar entradas por teléfono, pero si mercalas. No 902 434 443 ou tamén a través de entradas.abanca.com. Son as únicas dúas fórmulas válidas para mercar entradas sen achegarse ao despacho de billetes.

As invitacións para as sesións dos premios e para as das outras sesións especiais poderán recollerse dende dous días antes de cada acto.

Recomendamos levala impresa para evitar colas. Para iso, cómpre seleccionar Print@Home e imprimir o PDF que che creará o programa. Se se selecciona a opción «Recoller en recinto» cómpre levar referencia e o DNI ao despacho de billetes do Teatro Principal para que impriman alí a entrada.

Entradas para outras actividades

A entrada para as proxeccións do Carmen de Cecil B. DeMille e A burlesque on Carmen, de Charles Chaplin, coa banda sonora en directo interpretada pola Real Filharmonía de Galicia teñen un prezo de 12 euros (6€ para persoas para menores de 25 anos, maiores de 65, desempregadas, xubiladas, estudantes, familias monoparentais, numerosas e perceptoras de rendas sociais). Pode mercarse con antelación en entradas.abanca.com, no 902 434 443, no despacho de billetes do Teatro Principal e o mesmo día tamén no despacho de billetes do Auditorio de Galicia desde as 18.00 h.

Entradas con invitación

No despacho de billetes xeral do Teatro Principal.

Cada persoa pode retirar un máximo de dúas invitacións por filme.

Abonos

O abono ten un prezo de 30 euros e con el podes retirar 10 entradas. Mércase na billeteira xeral do Teatro Principal.

Unha vez mercado podes trocar cada unha das 10 pestanas que tes nel por unha entrada. Podes trocalas todas xuntas ou de unha en unha ao longo do festival, non hai límite. Calquera modificación no mesmo invalidarao así que vos pedimos que o coidedes. Non se aceptarán as pestanas soltas, senón que hai que levar o abono completo para que a persoa do despacho de billetes retire a pestana.

Non é persoal, polo que pode usarse por máis de unha persoa.

Non, non fai falta. O abono hai que entregalo ao mercar a entrada no despacho de billetes para que se retiren as pestanas do mesmo, pero unha vez feito iso xa non hai que ensinalo na entrada á proxección.

Non é posible reservar entradas por teléfono. Para poder retirar entradas con abono é preciso presentarse no despacho de billetes co abono e proceder a retiralas. Para mercar entradas con antelación sen achegarse ao despacho de billetes, pode facer a través da web e teléfono de Abanca, pero non usando o abono.

Proxeccións

A entrada á sala ten que facerse de xeito puntual para non molestar ao resto de espectadores que están xa gozando do filme. En todo caso, e de ser posible, se chegas un pouco tarde intentaremos buscarche un sitio ao que poidamos acceder molestando o menos posible, e non sempre poderá ser a butaca que ti tiñas mercada.

Todos os filmes en Cineuropa se proxectan en idioma orixinal e, cando non son en español ou en galego, tamén con subtítulos.

Todos agás os que teñen como lingua orixinal o español ou o galego. Excepcionalmente pode haber algún que non o estea pero indicarémolo sempre.

Hai filmes recomendados para maiores de idade. No caso de que a/o menor acuda na compaña dunha persoa adulta, será esta a responsable da/o menor na sala, e quen ten que considerar se pode ver ese filme ou non.

As sesión que pasan das 00.00 h na web de Abanca aparecen indicadas co día seguinte xa que a partir das 00.01 h tecnicamente comeza xa un novo día. Se ti mercaches unha entrada para as 00.30 do día 10, a entrada é para a noite que vai do 9 ao 10.

Maratón

Non. O abono só se pode usar para as proxeccións individuais de filmes.

Pódese entrar e saír entre película e película sen problema, así que podes elixir que películas ver e en cales descansar.

A duración dos filmes podes atopala nas súas respectivas fichas. Entre película e película hai uns 5 minutos de descanso e sobre as 7 da mañá faise un descanso máis longo, duns 20 minutos.

O despacho de billetes non está aberto durante o maratón así que non e, de todas formas, ata agora sempre se esgotaron as entradas para o maratón antes do día do mesmo así que a nosa recomendación é que as merques canto antes.

Excepcionalmente, no maratón, polas súas características, permitimos levar comida (sen cubertos) e bebida (só en envases de plástico e nunca bebidas alcohólicas).