#Cineuropa14. Do 1 ao 30 de novembro de 2000.

No ano 2000, Cineuropa sorprendeu a propios e estraños coa entrega dos primeiros Premios Cineuropa. Tres foron os galardóns outorgados, os Miróns, creados ex professo polo escultor compostelán José Francisco López «Francés». O primeiro foi para a actriz Marisa Paredes, que recibía o seu Mirón de mans da presentadora Ana García-Siñeriz na gala inaugural. E é que nesta décimo cuarta edición, Canal Plus colaborou estreitamente co noso festival. Tras da gala, proxectouse El Coronel no tiene quien le escriba, de Arturo Ripstein, protagonizada pola galardoada.

O director José Luis Borau, figura fundamental do cinema español, recibiu o 9 de novembro o segundo dos Premios Cineuropa, previamente á proxección de Leo e Furtivos, os seus dous filmes máis recoñecidos. Por fin, o distribuidor Emilio Baños foi o terceiro premiado desa edición, en recoñecemento ao seu imprescindible labor de distribución e difusión do cine galego.

A programación compúxose de 68 películas que se exhibiron no teatro Principal entre o 1 e o 30 de novembro. Grandes triunfadoras nos grandes festivais internacionais, como Amores perros, de Alejandro González Iñárritu, A carta, de Manoel de Oliveira, ou Beautiful People, de Jasmin Dizdar, compartiron cartel con clásicos como La gran Ilusión, de Jean Renoir, ou Cayo largo, de John Huston.

As 7 películas que tiveron en vela os espectadores do Principal na noite do maratón foron: Nationale 7, de Jean-Pierre Sinapi; The last days of disco, de Whit Stillman; Blood for Dracula, de Paul Morrisey; Bulworth, de Warren Beatty; Existenz, de David Cronenberg; Celos, de Vicente Aranda e Asediada, de Bernardo Bertolucci.

Premios Cineuropa 2000

Marisa Paredes

Marisa Paredes

Unha gran amiga do festival que, á parte de recibir o seu merecido Premio Cineuropa no ano 2000, acudiu ao festival en 2003 para entregarlle o premio ao cineasta Bigas Luna, e en 2015 para facer o propio co mexicano Arturo Ripstein. Traballadora incansable, viviu con Tacones lejanos, de Pedro Almodóvar, un punto de inflexión na súa carreira, dándose a coñecer no panorama internacional. Colaborou tamén con cineastas da talla de Gonzalo Suárez, Philippe Lioret, Fernando Trueba ou Roberto Benigni, entre moitos outros. Entre os anos 2000 e 2003 foi a presidenta da Academia do Cine Español.

José Luis Borau

José Luis Borau

Cineasta, escritor e licenciado en Dereito, foi presidente da Academia do Cine entre 1994 e 1998, presidente da SGAE entre os anos 2007 e 2011, e membro da Real Academia Española desde 2008 ata a súa morte, en 2012. O seu maior éxito comercial foi Furtivos, un filme que logrou burlar a censura franquista, a pesar dos intentos desta de impoñerlle 40 cortes. Furtivos obtivo en 1975 a Cuncha de Ouro do Festival de San Sebastián. No ano 2001, Borau logrou con Leo, considerado o seu mellor filme, o premio Goya á mellor dirección.

Emilio Baños

Emilio Baños

Emilio Baños é un dos nomes fundamentais da industria cinematográfica galega. O vigués, de orixe humilde, traballou desde neno como un auténtico home orquestra nos cines de Isaac Fraga ata que montou a súa propia empresa de distribución: Baños Films. Grazas ao seu infatigable labor, gran parte da produción cinematográfica galega chegou á gran pantalla desde os anos 60.



As películas de Cineuropa 2000

A CARTA (1999)
— Manoel de Oliveira

A CIDADE (1998)
— David Riker

A GRANDE ILUSIÓN (1937)
— Jean Renoir

A LEI DE HERODES (1999)
— Luis Estrada

A NOVA EVA (1999)
— Catherine Corsini

A PERDICIÓN DOS HOMES (2000)
— Arturo Ripstein

A POR TODAS (2000)
— Conor McPherson

ACTORES ASASINOS (1998)
— Amos Poe

ADELA (2000)
— Eduardo Mignogna

AMORES CANS (2000)
— Alejandro González Iñárritu

ASEDIADA (1998)
— Bernardo Bertolucci

ASÍ ES LA VIDA (2000)
— Arturo Ripstein

BEAUTIFUL JOE (2000)
— Stephen Metcalfe

BEAUTIFUL PEOPLE (1999)
— Jasmin Dizdar

BLOOD FOR DRACULA (1974)
— Paul Morrisey

BOTÍN DE GUERRA (2000)
— David Blaustein

BREAD AND ROSES (2000)
— Ken Loach

BROTHER (2000)
— Takeshi Kitano

BUENA VISTA SOCIAL CLUB (1999)
— Wim Wenders

BULWORTH (1998)
— Warren Beatty

CAIO LARGO (1948)
— John Huston

CECIL B. DEMENTE (2000)
— John Waters

CELOS (1999)
— Vicente Aranda

CONFESIÓNS PRIVADAS (1996)
— Liv Ullmann

CORRE, LOLA, CORRE (1998)
— Tom Tykwer

DIVERTIMENTO (2000)
— José García Hernández

ESPERANDO AO MESÍAS (2000)
— Daniel Burman

EXISTENZ (1999)
— David Cronenberg

FAST FOOD, FAST WOMEN (2000)
— Amos Kollek

FINDING GRACELAND (1998)
— David Winkler

FURTIVOS (1975)
— José Luis Borau

GARAXE OLIMPO (1999)
— Marco Bechis

GRASS (1999)
— Ron Mann

GRAZAS POLO CHICULATE (2000)
— Claude Chabrol

HAMSUN (1996)
— Jan Troell

HARRY, UN AMIGO QUE VOS QUERE (2000)
— Dominic Moll

LA BALIA (1999)
— Marco Bellocchio

LE SAMOURAÏ (1967)
— Jean Pierre Mellville

LEO (2000)
— José Luis Borau

LIAM (2000)
— Stephen Frears

LÚA PAPA (1999)
— Bathiar Khudojnazarov

MEMENTO (2000)
— Cristopher Nolan

METROLAND (1997)
— Philip Saville

NATIONALE 7 (2000)
— Jean Pierre Sinapi

NELLY & MONSIEUR ARNAUD (1995)
— Claude Sautet

NOCES PARA O AMOR (2000)
— Alberto Lecchi

O CORONEL NON TEN QUEN LLE ESCRIBA (1999)
— Arturo Ripstein

O HARÉN DE MADAME OSMANE (2000)
— Nadir Moknèche

O MEU INIMIGO ÍNTIMO (1999)
— Werner Herzog

O OUTRO BARRIO (2000)
— Salvador García Ruiz

O PESO DA AUGA (2000)
— Kathrin Bigelow

OS MUTANTES (1998)
— Teresa Villaverde

PARA TÓDOLOS GUSTOS (2000)
— Agnes Jaoui

PELÍCULA SORPRESA (????)
— ????

PLENO VERÁN (2000)
— Tran Anh Hung

PSICOSE (1960)
— Alfred Hitchcock

PURELY BELTER (2000)
— Mark Herman

QUERELLE (1982)
— Rainer Werner Fassbinder

RESSOURCES HUMAINES (1999)
— Laurent Cantet

SHINER (2000)
— John Irvin

TEATRO DI GUERRA (1998)
— Mario Martone

TEOREMA (1968)
— Pier Paolo Pasolini

THE ANIMAL FACTORY (2000)
— Steve Buscemi

THE LAST DAYS OF DISCO (1998)
— Whit Stillman

TINTA VERMELLA (2000)
— Francisco J. Lombardi

TOO MUCH FLESH (2000)
— Jean Marc Barr, Pascal Arnold

TUMBLEWEEDS (1999)
— Gavin O'Connor

VINTETRÉS (1998)
— Hans Christian Schmind